ინტერიერის დიზაინი შესრულებულია თბილისში პეტრიწის ქუჩაზე.
75 კვ.მ-ის სახლის გეგმა ჰარმონიულად აერთიანებს მისაღებ ოთახს და სამზარეულოს, თანამედროვე და კლასიკური ინტერიერის კომბინაცია გადაწყვეტილია ყავისფერი და მონოქრონული ტონალობების შერწყმით.
დიდი სამზარეულოს დიზაინი შესრულებულია ნაცრისფერ ფერში, გამოყენებულია იტალიური წარმოების ქვის ზედაპირი და სკამები.
ცნობილი იტალიური ბრენდის FLEXFORM – ის წარმოებული დივანი განთავსებულია მისაღები ოთახის ცენტრში, რაც ხელს უწყობს სივრცის უკეთესად აღქმას და თავისუფლების შეგრძნებას.
სამზარეულოს მაგიდის განათება შექმნილია ექსკლუზიურად მოცემული საცხოვრებელი სახლისთვის, სანათის სპექტრი ერწყმის მისაღებ სივრცეში განთავსებული რბილი ავეჯის და ინტერიერის აქსესუარების ტონალობას, რაც უზრუნველყოფს სახლის პროექტის ჰარმონიას.
სანათების განლაგება და რაოდენობა ქმნის სივრცის ტრანსფორმაციის და საკუთარ განწყობაზე მორგების საშუალებას.
ხშირად არსებობს მცდარი მოსაზრება, რომ მუქი ფერები სივრცეს აპატარავებს. ჩვენი პროექტი დიდ დიღომში (75 კვ.მ) ამსხვრევს ამ სტერეოტიპს.
Fillet Studio-მ შექმნა თანამედროვე ბინის დიზაინი, სადაც დომინირებს შავი, გრაფიტისფერი და ნატურალური ტყავის ფაქტურები, რაც ინტერიერს სოლიდურ და პრემიალურ იერს სძენს.
ღია სივრცის ზონირება: სამზარეულო და მისაღები ოთახი გაერთიანებულია, თუმცა ვიზუალურად გამიჯნულია. მასიური, შავი მარმარილოს ფაქტურის კუნძული და დიდი სასადილო მაგიდა ქმნის ბუნებრივ ბარიერს ორ ზონას შორის.
განათების არქიტექტურა: მუქ ინტერიერში განათება კრიტიკულად მნიშვნელოვანია. ჩვენ გამოვიყენეთ ხაზოვანი სანათები , რომლებიც გეომეტრიულ ფორმებს ქმნიან ჭერზე და სივრცეს დინამიკას მატებენ.
მასალები და ტექსტურა: ინტერიერის ხასიათს ქმნის კონტრასტები: ცივი ბეტონისა და ქვის ფაქტურები შეარბილა რბილმა, ყავისფერმა ტყავის დივანმა და ხის ელემენტებმა.
დეკორი: ოთახში განთავსებული დიდი კაქტუსები და თანამედროვე არტ-ობიექტები სივრცეს „აჯანსაღებს“ და ინდივიდუალიზმს სძენს.
