Fillet Studio-მ წარმატებით დაასრულა საოფისე ინტერიერის დიზაინის პროექტი საერთაშორისო ორგანიზაცია KOTRA-სთვის (კორეის ვაჭრობისა და ინვესტიციების ხელშემწყობი სააგენტო). ჩვენი მთავარი გამოწვევა იყო შეგვექმნა სივრცე, რომელიც ზუსტად ასახავდა ორგანიზაციის გლობალურ მასშტაბს და ამავდროულად, უზრუნველყოფდა ჯანსაღ და პროდუქტიულ სამუშაო გარემოს თანამშრომლებისთვის.
ინტერიერის ვიზუალური მხარე ეფუძნება KOTRA-ს ოფიციალურ ბრენდბუქს. დომინანტი ფერია თეთრი და ლურჯი, რომელიც სივრცეს ვიზუალურად ზრდის და სისუფთავის შეგრძნებას ტოვებს, ხოლო აქცენტები გაკეთებულია კორპორატიულ ლურჯ ფერზე.
მისაღები ზონა (Reception): ცენტრალურ კედელზე განთავსებულია მსოფლიო რუკის ინსტალაცია განათებით, რაც ხაზს უსვამს სააგენტოს საერთაშორისო კავშირებს.
კედლის გრაფიკა: სპეციალურად ამ პროექტისთვის შეიქმნა კედლის მოხატულობა აბსტრაქტული ფორმებით, რომელიც არბილებს ოფისის მკაცრ ხაზებს და სივრცეს უფრო ცოცხალს ხდის.
ეფექტური მუშაობისთვის კრიტიკულად მნიშვნელოვანია სწორი არქიტექტურული დაგეგმარება. ჩვენ სივრცე დავყავით სამ ფუნქციურ ნაწილად:
ღია სამუშაო სივრცე: აქცენტი გაკეთდა ბუნებრივ და ხელოვნურ განათებაზე (4000K), რაც თვალს არ ღლის და მუშაობისთვის ოპტიმალურ პირობებს ქმნის.
საკონფერენციო ზონა: იზოლირებული სივრცე, სადაც დაცულია აკუსტიკური კომფორტი მშვიდი მოლაპარაკებებისთვის.
მოსასვენებელი კუთხე: სამუშაო სტრესის შესამცირებლად, ოფისში ინტეგრირებულია ზონა რბილი ავეჯითა და გამწვანებით , რაც ჯანსაღი ატმოსფეროს გარანტიაა.
პროექტი განხორციელდა „თანამედროვე მინიმალიზმის“ სტილში, სადაც მთავარი აქცენტი გაკეთებულია სინათლეზე, სივრცის სწორ ზონირებასა და ბრენდირებულ ელემენტებზე, თანამშრომლებისთვის საუკეთესო პირობების შესაქმნელად.
